హిందుత్వంపై దుష్ప్రచారాన్ని తిప్పికొట్టాలి

హిందుత్వంపై దుష్ప్రచారాన్ని తిప్పికొట్టాలి

చాలా సంవత్సరాలకు పూర్వం భారతరత్న సుబ్రహ్మణ్య భారతి తాను రాసిన ఒక పుస్తకంలో ‘సాంస్కృతిక జాతీయవాదాన్ని వ్యతిరేకిస్తున్న వారివల్ల భరతమాత బిడ్డల మధ్య వైరం ఏర్పడి శాంతి, సమానత్వం సన్నగిల్లి, నకిలీ లౌకిక భావాలతో ఓ రకం రాజకీయ అంటరానితనం అంతటా ఏర్పడుతుంది. ఇది దేశ సమగ్రతకు భంగం కలిగించే ప్రమాదం ఉంది’ అని హెచ్చరించారు.

పై మాటలు అక్షరసత్యమని గడచిన కొన్ని దశాబ్దాలుగా దేశంలో చోటు చేసుకొంటున్న పరిణామాలు, సంఘటనల ద్వారా తెలుస్తోంది. సాంస్కృతిక జాతీయ వాదాన్ని వ్యతిరేకించే శక్తులు దేశంలో అంతర్గత సంఘర్షణలు నిర్మాణం చేయటానికి పని గట్టుకొని ప్రయత్నం చేస్తున్నాయి. దేశంలో, విదేశాలలో జాతీయ వాదులపై, హిందుత్వంపై దుష్ప్రచారం చేస్తున్నాయి.

హిందుత్వంపై దుష్ప్రచారం

శశి థరూర్‌ కువ్యాఖ్యలు

ఈ మధ్యనే శశిధరూర్‌ (కాంగ్రెసు) ఔష్ట్రవ ఱ aఎ a ష్ట్రఱఅసబ ? అనే పుస్తకం రాశారు. దానిలో ఒక పక్క పరంపరాగత హిందుత్వ విషయాలు ప్రస్తావిస్తూ, ఆర్‌.ఎస్‌.ఎస్‌. చెప్పే హిందుత్వ భావాలు అసలైన హిందుత్వానికి భిన్నంగా ఉన్నాయని, ఆర్‌.ఎస్‌.ఎస్‌. చెప్పే హిందుత్వం రాజకీయ వికృతితో కుంచించుకుపోతున్నదని, అసలైన హిందుత్వం గురించి అందరం తెలుసుకోవాలని వ్యాఖ్యానించారు.

రామచంద్రగుహ కువ్యాఖ్యలు

రామచంద్రగుహ ఈ మధ్య ూబ్‌ శ్రీశీశీస పత్రిక వెలువరించిన గణతంత్ర దినోత్సవ ప్రత్యేక సంచికలో ‘దేశభక్తి-యుద్ధోన్మాదం’ అనే శీర్షికతో రాసిన వ్యాసంలో రాజ్యాంగ జాతీయవాదం అని ప్రస్తావిస్తూ ప్రపంచం లోనూ, భారత్‌లోనూ ఉన్న జాతీయ వాదాన్ని వివరించారు. ఐరోపా ఖండంలోని దేశాలలో ఒకే భాష, ఒకేమతం, ఒక శత్రుభావనలతో జాతీయత, జాతులు ఏర్పడ్డాయి. భారత్‌ నుండి విడిపోయి కొత్తదేశంగా ఏర్పడిన పాకిస్తాన్‌ ‘జాతి, జాతీయత’ విషయంలో అచ్చం ఐరోపా దేశాల ఆలోచనలతో ఏర్పడింది. ఆ దేశంలో ‘భాష ఉర్దూ, మతం ఇస్లాం, భారత వ్యతిరేకత’ మూల సూత్రాలుగా ఉన్నాయి.

కాని స్వతంత్ర పోరాట కాలం నుండి ఈ దేశంలో వికసిస్తున్న కొత్త జాతీయవాదానికి వ్యతిరేకంగా హిందూ సాంస్కృతిక జాతీయ వాదాన్ని రాష్ట్రీయ స్వయంసేవక సంఘం ముందుకు తెస్తున్నది. ఆ జాతీయ వాదం ఐరోపా ఖండంలో ఉండే జాతీయవాదం లాగా ఉంది. దానికి మతం- హిందూత్వం, భాష-హిందీ, శత్రువు-పాకిస్తాన్‌.

సంఘం ఈ దేశంలో హిందీని జాతీయ భాషగా చేయాలనుకొంటున్నది. ఏ ప్రాంతం వాడైనా, ఏ భాష వాడైనా తప్పక హిందీ మాట్లాడాలని అంటు న్నారు. ఇలా అనటం రాజ్యాంగ దేశభక్తికి వ్యతిరేకం. అంటే ఈ జాతికి వ్యతిరేకం. ఆర్‌.ఎస్‌.ఎస్‌. సర్‌సంఘచాలక్‌ గురూజీ గోళ్వల్కర్‌ ఆలోచనలు ఉన్న పుస్తకం బంచ్‌ ఆఫ్‌ థాట్స్‌. దానిలో ఈ దేశానికి అంతర్గత శత్రువులు ఇస్లాం, క్రైస్తవం, కమ్యూనిజం అని రాసి ఉంది. నేను ముస్లిం, క్రైస్తవ, కమ్యూనిస్టుని కాను. కాని నన్ను ఆర్‌.ఎస్‌.ఎస్‌. వాళ్ళు అంతర్గత శత్రువుగా చూస్తున్నారు అని రామచంద్ర గుహ తన వ్యాసంలో రాశారు.

National Review.comలో..

జార్జ్‌.జె.మార్లిన్‌ అనే ఒక క్రైస్తవ ప్రముఖుడు National Review.com అనే వెబ్‌సైట్‌లో క్రైస్తవంలోకి మారిన షెడ్యూల్డు కులాల ప్రజల పట్ల ఈ దేశంలో వివక్ష ఉంది. భారతదేశంలో ముస్లింలు, క్రైస్తవులు అందులో ముఖ్యంగా మతం మారిన షెడ్యూల్డు కులాల ప్రజలనకు లక్ష్యంగా చేసుకొని దాడులు జరుగుతున్నాయి. షెడ్యూల్డు కులాల ప్రజలకు రాజ్యాంగం నిర్దేశించిన రిజర్వేషన్లు, ఇతర సౌకర్యాలు బౌద్ధ మతంలోకి, సిఖ్ఖు మతంలోకి మారిన వారికి వర్తిస్తున్నాయి. కాని ఇస్లాం, క్రైస్తవంలోకి మారితే వర్తించటం లేదు. ఇదేం వివక్ష ? అని ప్రశ్నించాడు.

భారతదేశం అమెరికాతో వ్యూహాత్మక సంబంధాలు ఏర్పాటు చేసుకొని దక్షిణ ఆసియాలో రాజకీయ సంతులనం సాధించే దిశగా ప్రయాణం చేస్తున్నది. ఆర్థిక వ్యవస్థలను శక్తివంతం చేయటానికి చేపట్టిన ఆర్థిక సంస్కరణల వల్ల లక్షల మంది దారిద్య్రరేఖ నుండి పైకి వస్తున్నారు. ఈ విషయాలను ప్రభుత్వం తన సమాచార వ్యవస్థల నుండి విశేష ప్రచారం చేసుకొంటున్నది. మా లక్ష్యం దేశాభివృద్ధి అనే ప్రచారం మాటున దేశంలో మైనార్టీలపై జరుగుతున్న దాడులను తెరవెనుకకు నెట్టి వేస్తున్నది. ఇస్లాం, క్రైస్తవాలు భారతదేశంలో పుట్టలేదు. బయట దేశాల నుండి దిగుమతి అయ్యాయి. ఈ రెండు మతాలలోకి మారిన వారిపై దేశంలోని హిందుత్వ శక్తులు దాడుల చేస్తున్నాయి. భారతదేశంలో ముస్లింలకు; క్రైస్తవులకు భద్రత లేకుండా పోతున్నది. అమెరికా, పాశ్చాత్య దేశాలు భారతదేశంలో మైనార్టీల రక్షణ కొరకు జోక్యం చేసుకోవాలి; కేంద్ర ప్రభుత్వంపై ఒత్తిడి తేవాలి’ అని రాశాడు.

షెడ్యూల్డు కులాల పేరుతో..

‘ఈ దేశంలో షెడ్యూల్డు కులాలకు రాజ్యాధికారం దక్కాలంటే షెడ్యూల్డు కులాల ప్రజలు, కమ్యూనిస్టులు కలవాలి’ అని అప ప్రచారం చేస్తున్నారు.

గుజరాత్‌ ఎన్నికలలో షెడ్యూల్డు కులాల నాయకుడిగా ఎదిగి వచ్చిన జిగ్నేష్‌ మేవాని హైద్రా బాద్‌ వచ్చినప్పుడు ‘ఈ దేశంలో షెడ్యూల్డు కులాల అభ్యున్నతికి అంబేడ్కర్‌ వ్యాఖ్యలే శిలాశాసనం కాదు. కులరహిత, దోపిడి రహిత సమాజం ఏర్పాటుకు నిరంతరం పోరాటం చేస్తున్న మ్యూనిస్టులతో షెడ్యూల్డు కులాల ప్రజలు చేతులు కలపాలి. మనకు నిజమైన మిత్రులు కమ్యూనిస్టులే’ అన్నాడు. అంబేడ్కర్‌కు కమ్యూనిస్టులంటే భిన్న వైఖరి ఉంటే దానిని శిలాశాసనంగా తీసుకోవలసిన అవసరం లేదు. కారల్‌మార్క్సు మాటలు గాని; తన మాటలను గాని శిలాశానంగా తీసుకోవలసిన అవసరం లేదని అంబేడ్కరే స్వయంగా చెప్పారు’ అని కూడా అన్నాడు. షెడ్యూల్డు కులాల ప్రజలు, ముస్లింలు కలిస్తే విజయం మనదేనని ముస్లిం నాయకులు మాట్లాడుతున్నారు. ఈ విధంగా షెడ్యూల్డు కులాల ప్రజలను రాజకీయంగా ప్రభావితం చేయాలని కమ్యూనిస్టులు, మావోయిస్టులు, ముస్లింలు విపరీత ప్రయత్నం చేస్తున్నారు.

దుష్ప్రచారాన్ని తిప్పికొట్టాలి

వారి కుట్రలను వమ్ము చేయాలి

మతం మారిన షెడ్యూల్డు కులాల ప్రజలకు రిజర్వేషన్‌ సౌకర్యాలు కొనసాగిస్తే తమ మతం మార్పిడి పంట పండించుకోవచ్చు. దానికోసం ప్రభుత్వంపై, కేసు విచారణ చేస్తున్న సుప్రీంకోర్టుపై ఒత్తిడి తెస్తున్నారు. అంతేగాక మతం మారిన, మారని షెడ్యూల్డు కులాల ప్రజల మధ్య ఘర్షణలను నిర్మాణం చేయటానికి క్రైస్తవ శక్తులు ప్రయత్నం చేస్తున్నాయి. క్రైస్తవం, ఇస్లాం చేస్తున్న ఈ కుట్రలను వమ్ము చేయాలి. దేశంలో అంతర్గత భద్రతను కాపాడుకోవాలి. శతాబ్దాలుగా ఇస్లాం, క్రైస్తవం పన్నిన నంబర్‌ గేమ్‌ కుట్రలో అనేక దేశాలు పడిపోయి నామ రూపాలు లేకుండా పోయాయి. భారత్‌లో కూడా అదే ప్రయత్నం చేస్తున్నారు. భారత్‌లో పుష్కలంగా తమ మతమార్పిడి పంట పండించుకొంటున్నారు.

మారుతున్న ప్రపంచ పరిస్థితులలో పాశ్చాత్య దేశాలలో ఇస్లామీకరణ వేగంగా జరుగుతూ క్రైస్తవుల సంఖ్య పడిపో తున్నది. కాబట్టి క్రైస్తవుల సంఖ్యను పెంచటానికి ఆసియా ఖండంలో అందులో భారత్‌లో విపరీతంగా ప్రయత్నాలు జరుగుతున్నాయి. ఇస్లామీయులు లవ్‌జిహాద్‌ పేరుతో మతమార్పిడులు సాగిస్తూనే ఉన్నారు. ఇవి మరిన్ని కొత్త సమస్యలను సృష్టిస్తున్నాయి. ఈ రెండు మతాలకు భారత్‌ ఒక పెద్ద పంటపొలంగా ఉంది. అందుకే ఇస్లాం; క్రైస్తవాల కుట్రలను మనం వమ్ము చేయాలి.

అమెరికా, పాశ్చాత్య దేశాలు భారత్‌లో మైనార్టీల రక్షణకు ఒత్తిడి తేవాలనటం ఈ దేశ సార్వభౌమత్వాన్ని సవాలు చేయటమే. అటువంటి వ్యక్తులు, శక్తులపై కేంద్రం తగు చర్య తీసుకునే విధంగా ఈ దేశ ప్రజలు కేంద్రంపై ఒత్తిడి తేవాలి. తద్వారా ఈ దేశ సార్వభౌమత్వాన్ని కాపాడాలి.

సుప్రీం చెప్పగలదా ?

ఫిబ్రవరి 06న సుప్రీంకోర్టు బెంచ్‌ ‘ఈ దేశంలో యుక్త (మేజర్‌) వయస్సు వచ్చిన యువతీ యువకులు ఇష్టపడి వివాహం చేసుకొంటే దానిలో మేము జోక్యం చేసుకోం’ అని వ్యాఖ్యానించింది. అయితే వారు ఇష్టపడటం కోసం కొంతమంది యోజనాబద్ధంగా ప్రయత్నం చేసి, మాయ జాలం పన్ని, అసహజ వివాహ బంధంలో ఇరికిస్తున్నారు. అలా అసహజ వివాహ బంధంలో ఇరుక్కుని, తదుపరి కాలంలో ఎన్నో సమస్యలను ఎదుర్కొంటున్న యువతకు మరి సుప్రీంకోర్టు ఏమి సలహాలు ఇస్తుంది? అందుకే హిందూ సమాజం అప్రమత్తంగా ఉండాలి.

సర్వపంథ సమ భావన

ఈ దేశంలో అనేక మతాలు, సాంప్రదా యాలు ఉన్నాయి. కొత్తవి నేటికీ పుట్టుకు వస్తున్నాయి. అయినా పరమేశ్వరతత్వం గురించి అందరిదీ ఒకే భావనగా ఉంటోంది. సర్వపంథ సమభావన అనేది ఈ దేశానికి మూలసూత్రం. ఈ సర్వపంథ సమ భావనకు విరుద్ధమైనవి ఇస్లాం, క్రైస్తవాలు.

స్వదేశీ మంత్రం తప్పా ?

జాతీయ భాషగా హిందీని రుద్దుతున్నారనడం దేశ ప్రజలను తప్పుదారి పట్టించడమే. దేశానికి స్వతంత్రం వచ్చి 70 సంవత్సరాలైనా ఇప్పటికీ దేశం మొత్తానికి అనుసంధాన భాషగా ఆంగ్లభాషే ఉన్నది. ఆ స్థానంలో మన స్వదేశీ భాష, ఇప్పటికే ఎక్కువ మంది మాట్లాడుతున్న హిందీని తేవాలని భావిస్తు న్నారు. కానీ దానిని జాతీయ భాష అనలేదు. దేశంలో ఉన్న అన్ని భాషలు జాతీయ భాషలే. దానిని విస్మరించి మాట్లాడటం ఆత్మహత్యా సదృశ్యమే అవుతుంది.

ఈ దేశంలో వేల సంవత్సరాల నుండి భాషా ప్రయుక్త రాష్ట్రాల వ్యవస్థ లేదు. కానీ స్వతంత్రం వచ్చిన తరువాత ఈ దేశంలో భాషా ప్రయుక్త రాష్ట్రాలు ఏర్పడ్డాయి. దానికి కారణం ఎవరు? భాషా ప్రయుక్త రాష్ట్రాలు లేనప్పుడు వివిధ భాషలు మాట్లాడే ప్రజలు తమ భాషలలో మాట్లాడుతూనే అందరూ కలిసి జీవించారు. భాషలు ఏవైనా ఈ దేశ భావన ఒక్కటిగానే ఉంది.

పేరు మారిపోతుందా ?

1957-58 సంవత్సరంలో రాష్ట్రీయ స్వయం సేవక్‌ సంఘ సర్‌సంఘచాలక్‌ గురూజీ ఒకసారి అప్పటి ప్రధాని నెహ్రూని కలిసారు. ఆ సందర్భంగా నెహ్రూ ‘దేశంలో అనేక దశాబ్దాలుగా ఏ సంస్కృతి నిర్మాణమైందో ఆ సంస్కృతే నేడు ఈ దేశంలోని అన్ని ధర్మాలు, మతాలు, జాతుల సమిష్టి సంస్కృతిగా నిలిచింది. ఆ సంస్కృతిని హిందూ సంస్కృతి అనటం సముచితం కాదు. అలా అంటే విబేధాలు పుట్టుకు వస్తాయి. విఘటన ఏర్పడుతుంది. అందరిని కలిపి నడిపించటం కష్టమవుతుంది’ అన్నారు. దానికి గురూజీ సమాధానమిస్తూ ‘గంగానదిలో అనేక చిన్న నదులు; ఉపనదులు కలుస్తూ ఉంటాయి. అంత మాత్రాన గంగానది పేరు మారిపోతుందా? ఆ ప్రవాహం యొక్క ప్రధాన ధారను గంగే అంటారు. అట్లాగే ఈ దేశంలో హిందూ సంస్కృతిలో అనేక కొత్త విషయాలు చేరినంత మాత్రాన ఈ దేశ సంస్కృతి పేరు మారిపోతుందా ? హిందూ సంస్కృతే ఈ దేశ మూలధార అవుతుంది’ అన్నారు. నెహ్రూ మరి మాట్లాడలేదు.

అవే మన శ్రద్ధా కేంద్రాలు : గాంధీజి

రామచంద్ర గుహ తన వ్యాసంలో గాంధీజి అనుసరించిన విషయాలను ప్రస్తావించారు. కాని గాంధీజీకి ఆ విషయాలలో పని చేయటానికి ప్రేరణ హిందుత్వమే. సాంస్కృతిక జాతీయ వాదం విషయంలో గాంధీజీకి చాలా స్పష్టత ఉంది. నఱఅసబ ూషaతీaయ అనే పత్రికలో గాంధీజీ రాసిన ఒక వ్యాసంలో ‘పురాతన కాలం నుండి ఈ దేశ సంస్కృతికి సంబంధించి చెప్పబడిన విషయాలు పరిశీలిస్తే, ఈ దేశంలో ఆధ్యాత్మిక జాతీయవాదం వేల సంవత్స రాల నుంచి ఉన్నది అనే విషయం మనకు అర్థమవు తుంది. దానికి ఉదాహరణగా రాముడు నిర్మించిన సేతువు (రామేశ్వరం) దక్షిణంలో ఉంది, తూర్పున ఒరిస్సాలో జగన్నాథ్‌ మందిరం, అట్లాగే ఉత్తరాన హరిద్వార్‌ ఉన్నాయి. దేశమంతటి నుండి ప్రజలు ఈ పుణ్యక్షేత్రాలు దర్శిస్తూ ఉంటారు. వారేమీ మూర్ఖులు కారు. వేల సంవత్సరాల నుండి ఈ దేశంలో ఒక సంస్కృతితో ఒకే జాతిగా ఉంది, అందుకే ఆ ప్రదేశాలు దేశమంతటికి శ్రద్ధా కేంద్రాలు’ అని రాశారు. ఈ దేశంలో మతం మారిన ముస్లింలు కూడ ప్రధాన జీవన ధారలో కలసిపోవాలని గాంధీజి చెప్పారు.

అరవింద మహర్షి మాటలలో చెప్పాలంటే ‘హిందూ జాతీయవాదంలో మతానికి స్థానం లేదు’.

వైవిధ్యంలో ఏకత్వం

ఈ దేశంలో జన్మించిన మహా ఋషులు, మహా పురుషులు సృష్టి రచనలో ఉన్న భిన్నత్వాన్ని, ఆ భిన్నత్వంలో ఉన్న ఏకత్వతాన్ని దర్శించారు. సృష్టిలో ఉన్న ఈ వైవిధ్యాన్ని కాపాడుకొంటూ, వైవిధ్యంలో ఉన్న ఏకత్వ భావనతో మనమంతా జీవించాలని చెప్పారు. అదే మన ధర్మం. ఈ దేశానికి ధర్మమే ఆధారం. వేల సంవత్సరాల నుండి ఈ దేశంలో ధర్మబద్ధంగా జీవిస్తూ రాజ్యశక్తికి అతీతంగా ఒక గొప్ప సంస్కృతి నిర్మాణమయ్యింది. ఆ సంస్కృతే ఈ దేశ మౌలిక స్వభావం. ఆ సంస్కృతే ఈ దేశ జాతీయత. అందుకే ఈ దేశంలో సాంస్కృతిక జాతీయత అందరినీ కలిపి ఉంచగలుగుతోంది. పండుగలు, పరమేశ్వర తత్వం, ఈ దేశాన్ని మాతృ భూమిగా భావించటం ఇవన్నీ ఇక్కడి వైవిధ్యంలో ఉన్న ఏకత్వం. ఇలా ఈ దేశంలో సాంస్కృతిక జాతీయ భావం వేల సంవత్సరాల నుండి గంగా ప్రవాహంలా ప్రవహిస్తున్నది.

– రాంపల్లి మల్లికార్జున్‌

Leave a Reply

Your email address will not be published. Required fields are marked *