హద్దుల్లో ఉంటే మంచిది

హద్దుల్లో ఉంటే మంచిది

– ఏపికి ప్రత్యేక హోదా ఇవ్వకుండా రాష్ట్ర అవతరణ దినోత్సవ శుభాకాంక్షలు చెప్పే అధికారం మోదీకి లేదు.

– మంత్రి నారా లోకేశ్‌

– వార్డ్‌మెంబర్‌గా కూడా గెలవకుండా మంత్రి కావడానికి మీకు అన్ని అర్హతలుంటాయి. కానీ ఈ దేశ ప్రధానికి ఏపిపై హక్కు ఉండదా ?

– టిఆర్‌ఎస్‌కు ఓటేస్తే బిజెపికి ఓటేసినట్లే.

– కాంగ్రెస్‌ పార్టీ

– మరి కాంగ్రెస్‌కు ఓటేస్తే టిడిపికి వేసినట్లా !

– కొట్లాడి సాధించుకున్నం – దగా పడ్డం

– తెజస నేత కోదండరాం

– కెసిఆర్‌ మొనగాడని నీవంటివి. నీముఖం బంగారు ముద్దలాగుందని కెసిఆర్‌ అన్నడు! మీ ఇద్దర్నీ నమ్మి జనం దగాపడ్డరా!

ం హామీలన్నీ అధికారం కోసమే. తెరాస పాలనలో రాష్ట్రం దగా పడ్డది

– టిపిసిసి చీఫ్‌ ఉత్తమ్‌కుమార్‌రెడ్డి

– మీవి ఆపద మొక్కులు. ఆయనవి ఆ-పదవి చెక్కులు..!

– చంద్రబాబు దుర్మార్గుడు. సొంత జెండా లేనోడు. స్వార్థపరుడు. రాజ్యసభ సీట్లను అమ్ముకున్నడు. ఎన్టీఆర్‌ను మోసం జేసిండు. మోసానికి మరో రూపం చంద్రబాబు.

– మాజీమంత్రి మోత్కుపల్లి నర్సిములు

– తత్వం ఇన్నాళ్లకు బోధపడిందన్నమాట !

– ఆరెస్సెస్‌ ఆహ్వానంపై అక్కడే స్పందిస్తా

– ప్రణబ్‌ ముఖర్జి

– జాతి వ్యతిరేక శక్తులకు ఇక ఎదురుగాలే.

– లౌకిక ప్రయోజనాల దృష్టా ఆరెస్సెస్‌ కార్యక్రమానికి వెళ్ళొద్దు.

– కేరళ కాంగ్రెస్‌ నేత రమేశ్‌ చెన్నితాల

– తీవ్రవాదుల ఇళ్ళకో, హురియత్‌ కాన్ఫరెన్స్‌ నేతల ఇళ్ళకో వెళ్తే బాగురటది గదూ..!

– మమ్మల్ని దెబ్బతీయడానికి కేంద్రం, మోదీ, షాలు తిరుమలను ఉపయోగించుకొంటున్నారు. ధొలేరాకు నిధులిచ్చి అమరావతిని వదిలేశారు.

– సిఎం చంద్రబాబు

– అమిత్‌ షాకు తిరుమలలో ప్రత్యేక దర్శనం కల్పించాడనేగా రమణ దీక్షితుల్ని మీరు పక్కన పెట్టారు !

– ఆంధ్రప్రదేశ్‌లో భాజపాకు డిపాజిట్లు కూడా రావు.

– తెదేపా నేత బుద్ధా వెంకన్న

– మొన్న మహానాడులో లోకేశ్‌ భాజపానే మా ప్రధాన ప్రత్యర్థి అన్నారు. ఎందుకో !

– మీడియా వ్యవహారంలో రాజకీయ జోక్యం.

– ఇండియా టుడే కన్సల్టింగ్‌ ఎడిటర్‌ రాజ్‌దీప్‌ సర్దేశాయి

– మీరు కూడా హద్దుల్లో ఉంటే మంచిది.

– తుత్తుకూడి ఘటనపై సిబిఐ దర్యాప్తు జరపాలి

– సిపిఎం నేత సీతారాం ఏచూరి

– అలాగే పశ్చిమబెంగాల్‌ స్థానిక ఎన్నికలలో విపక్షాల అభ్యర్థులపై జరిగిన దాడుల ఘటనలపై కూడా డిమాండ్‌ చేసే సాహసం వుందా?

– వేర్పాటువాదులు, నేతలు చర్చలను సద్వినియోగం చేసుకోవాలి.

– జమ్ముకశ్మీర్‌ ముఖ్యమంత్రి మెహబూబా ముఫ్తి

– జరిపింది చాలు ! ఇక నారతీయండి.

– డా|| పి.భాస్కరయోగి

Leave a Reply

Your email address will not be published. Required fields are marked *