అందుకే సామెతలు పుట్టాయి

అందుకే సామెతలు పుట్టాయి

– రాముడి పాలనలో శిస్తు ఉండేది. కెసిఆర్‌ పాలనలో రైతుకే డబ్బులు. సింహం సింగిల్‌గానే వస్తుంది.

– మంత్రి కెటిఆర్‌

– రాముడు అవసరమైతే నారచీరలు ధరించి అరణ్యానికి వెళ్లాడు. మరీ రజనీకాంత్‌ డైలాగులు రాజకీయాల్లో బాగుండవేమో.

– పల్లెల్లో కూలిన ఇల్లు ఉండొద్దు.

– సిఎం కెసిఆర్‌

– కొంచెం వివరంగా చెపుతారా ?

– తెలంగాణ ఆంధ్రులకూ టిక్కెట్లు. గత ఎన్నికలకూ ఇప్పటికీ వాతావరణం మారింది. వారిమద్దతు మాకే.

– టిపిసిసి ఛీప్‌ ఉత్తమ్‌కుమార్‌రెడ్డి

– ‘రేవు దాటితే బోడి మల్లన్న’ లాంటి సామెతలు ఇటువంటి అద్భుత దృశ్యాలను చూసే పుట్టాయి.

– లంబాడాలపై మీరేమంటారు? ఎస్‌టి జాబితాలో చేర్చడంపై జవాబు ఇవ్వండి.

– కేంద్రం, తెలుగు రాష్ట్రాలకు సుప్రీం నోటీసులు

– రాజ్యాంగం ప్రకారం మీరేమంటారని అడిగేందుకు మీ దగ్గరకు వస్తే మీరు అభిప్రాయం అడగడం సమంజసమా!

– అస్సాంలో నివసించే వారందరు పౌరులు కారా ?

– కేంద్రాన్ని పార్లమెంటులో నిలదీసిన ప్రతిపక్షాలు

– ‘వారందరు’ అంటే ఎవరెవరో వివరంగా మీరే చెప్పాలి.

– కాపు రిజర్వేషన్లపై జగన్‌ మాట మార్చడం దారుణం.

– ఎపి మంత్రి నారాయణ

– నారాయణ! నారాయణ! మాట మార్చడం అనే పెద్ద బాలశిక్ష నారా వారి ఇంట్లోనే గదా రూపుదిద్దుకున్నది!

– బిజెపి అడుగులకు టిఆర్‌ఎస్‌ మడుగులొత్తుతున్నది.

– టి.కాంగ్రెస్‌ నేతలు

– ఈ మధ్య తెదేపా అడుగుల్లో మీరు అడుగు వేయట్లేదా!?

– సిబిఐ విచారణ ఎదుర్కోవాల్సిందే.

– దయానిధి మారన్‌కు సుప్రీంకోర్టు స్పష్టీకరణ

– శశికళ, కార్తీ, చిదంబరం, దయానిధి మారన్‌… ఈ కేసులు తెగవు, ముడిపడవు. ఈ విచారణపై విచారం వ్యక్తం చేయాలి అంతే!

– భారత్‌తో బంధానికి సిద్ధం. వారు ఒకడుగు వేస్తే మేం రెండు అడుగులు వేస్తాం.

– పాకిస్తాన్‌లో గెలిచిన ఇమ్రాన్‌ఖాన్‌

– మీరు రెండడుగులు వేసేది కశ్మీర్‌ వైపా ?

– 58వ పుట్టిన రోజు శుభాకాంక్షలు

– ఉద్ధవ్‌ ఠాక్రేకు ట్వీట్‌ చేసిన రాహుల్‌గాంధి

– ‘కొత్త ఒక వింత – పాత ఒక రోత’ సామెత బాగా అతికింది !?

– డా|| పి.భాస్కరయోగి

Leave a Reply

Your email address will not be published. Required fields are marked *